Oficinas territoriais
As antenas son oficinas da Cámara que prestan servizos en distintos municipios para estar máis preto das empresas da súa demarcación territorial. Desta forma, proporcionan unha resposta local ás demandas das pemes.
A Cámara de Vigo implantou antenas en tres municipios da súa demarcación: Salvaterra, Gondomar e Ponteareas. En xeral, ofrecen servizos de interese empresarial, como asesoramento en comercio interior, formación, sociedade da información e apoio a emprendedores.
Servizos que prestan as antenas da Cámara:
Comercio interior
Servizos enfocados ao apoio do sector comercial e de distribución, así como a introdución do uso das novas tecnoloxías.
Comercio exterior
Apoio á internacionalización das empresas.
Formación
Accións orientadas á demanda e unha maior implicación das empresas co obxectivo da creación de emprego e o desenvolvemento empresarial.
Empresas
- Introdución das empresas á Sociedade da Información e a Innovación.
- Apoio ás empresas no seu camiño cara á calidade, a excelencia e a xestión da súa política medioambiental. Información sobre axudas e subvencións.
Observatorios Económicos Locais
- Os observatorios detectan e analizan as necesidades e inquedanzas das empresas da súa área de influenza, adecuando os servizos ás peculiaridades territoriais.
- Están formados por empresarios, representantes de asociacións ou expertos de recoñecido prestixio nas súas distintas especialidades, con experiencia e coñecementos da sociedade e da economía local. Reúnense de xeito periódico para tratar temas diversos.
Servizos xerais
Proporcionan certificados DE IPC, moralidade mercantil, información e listados de empresas procedentes do IAE...
Camerpeme
Do mesmo xeito, as antenas dispoñen de acceso privilexiado a toda a oferta e contidos on-line de CamerpEme, permanentemente actualizada, tanto para o apoio a determinados servizos ou requerimentos das empresas locais como para a su promoción entre as empresas.
